Sut i Dalu Eich Ffioedd - Myfyrwyr Rhyngwladol

Os nad ydych chi wedi cyflwyno cais drwy’r system Apply, er enghraifft os ydych chi’n ymgeisydd UCAS, gallwch chi ddefnyddio’r Ddolen Uniongyrchol hon i dalu.

Gwneud cais (argymhellir hyn i fyfyrwyr sydd wedi gwneud cais drwy system ymgeisio) 

Os ydych chi wedi cyflwyno cais drwy’r system Apply, gallwch dalu eich blaendal gan ddefnyddio’r cyfarwyddiadau canlynol:

1. Mewngofnodi i’r System Ymgeisio
2. Dan geisiadau presennol, chwiliwch am y cwrs rydych chi’n cyflwyno cais ar ei gyfer a dewiswch y rhestr wirio CAS wrth ymyl de enw’r cwrs
3. Dan y rhestr wirio ar yr ymyl chwith, dewiswch Talu
4. Dewiswch eich opsiwn talu gan ddilyn y cyfarwyddiadau ar y sgrîn

Mae’r Brifysgol yn disgwyl i’r holl fyfyrwyr rhyngwladol newydd dalu blaendal cychwynnol o £4,000 (£3,240 i fyfyrwyr ELTS) gan ddechrau blwyddyn academaidd 22/23. Bydd y blaendal o £4,000.00 yn cael ei dynnu o'ch rhandaliad Ffioedd Dysgu 1af.

Y dyddiad cau ar gyfer blaendal ffioedd dysgu ar gyfer dechreuwyr Ionawr yw 18 Tachwedd 2022.

Mae'r Brifysgol yn disgwyl i'r holl fyfyrwyr rhyngwladol newydd dalu blaendal cychwynnol o £4,000 (£3,240 ar gyfer myfyrwyr ELTS) gan ddechrau blwyddyn academaidd 22/23. Ni chaiff y swm hwn ei ad-dalu oni bai y gwrthodir fisa i’r myfyriwr astudio yn y DU amser llawn (rhaid dangos dogfennau i brofi hyn), neu os bydd myfyriwr yn methu bodloni gofynion mynediad y Brifysgol. 

Bydd y gostyngiad hwn yn cyfrif tuag at dalu'r ffioedd dysgu. Nid yw'n swm ychwanegol mae'n rhaid ei dalu ar ben y ffioedd dysgu a nodir mewn llythyr cynnig.

Y dyddiad cau ar gyfer blaendal ffioedd dysgu ar gyfer dechreuwyr Ionawr yw 18 Tachwedd 2022.

Ar gael ar gais, e-bostiwch Income.tuition@swansea.ac.uk

Mae rhai myfyrwyr yn derbyn cymorth i dalu ffioedd o ffynonellau allanol, megis cwmnïau, elusennau, cronfeydd ymddiriedolaeth, llywodraethau etc. Os felly, mae angen tystiolaeth ddogfennol o'r dyfarniad ar y Brifysgol. Rhaid cyflwyno'r dystiolaeth hon wrth gofrestru neu cyn hynny, a dylid cyfeirio'n benodol at swm y cyfraniad at y ffioedd a ddyfernir ac at y flwyddyn academaidd/blynyddoedd academaidd y telir amdanynt. Dylech ofyn i’ch noddwr lenwi Ffurflen Cadarnhau Nawdd y gellir ei hargraffu o’r Ffurflen Cadarnhau Noddi hon.

Ni chaniateir i fyfyrwyr sy’n datgan eu bod yn cael eu noddi gofrestru heb y ddogfennaeth briodol. Disgwylir i noddwyr dalu anfonebau o fewn 30 diwrnod. Ni fydd y Brifysgol yn parhau i gydnabod sefydliad fel noddwr cyfreithlon os na fydd taliadau’n cael eu derbyn yn brydlon. Nid ydym yn ystyried rhieni/teulu fel noddwyr at ddibenion y diffiniad hwn ac rydym yn cadw’r hawl i wrthod tystiolaeth o nawdd dan rai amgylchiadau.

Mae hyn yn anghyffredin iawn ond os bydd noddwr yn methu talu rhan o'r ffioedd neu'r holl ffioedd sy’n ddyledus, yna chi fydd yn gyfrifol am unrhyw swm sydd ar ôl i’w dalu.

Wrth gwblhau eich astudiaethau/tynnu’n ôl/cael eich atal, efallai bydd y brifysgol yn datgelu data personol priodol, perthnasol a digonol i drydydd parti (Cwmni Casglu Dyledion enwebedig), i alluogi i’r ddyled i’r brifysgol gael ei holrhain a’i hadfer.

Credwn ein bod yn cynnig cynllun teg iawn ar gyfer talu ffioedd mewn rhandaliadau, ond rydym yn disgwyl i daliadau gael eu gwneud ar y dyddiadau dyledus a nodwyd. Os ydych mewn trafferthion ariannol, fe'ch cynghorir yn gryf i gysylltu â thîm Arian@BywydCampws yn yr Adran Gwasanaethau Myfyrwyr a allai eich helpu drwy gyngor a Chronfeydd Caledi.

Yn y sefyllfa waethaf o ran methu talu ffioedd, dan Reoliadau’r Brifysgol, efallai y bydd yn rhaid i chi ohirio’ch astudiaethau ac ail-gofrestru ar gyfer y Flwyddyn Academaidd nesaf (pan fydd yr holl ffioedd sy’n ddyledus wedi’u talu). Felly, mae’n bwysig nad ydych yn anwybyddu unrhyw ohebiaeth y byddwch ei derbyn gan yr Adran Gyllid.

Polisi'r Brifysgol yw caniatáu i fyfyrwyr dalu mewn tri rhandaliad. Fel myfyriwr rhyngwladol, mae'n rhaid i chi dalu o leiaf 50% o'ch ffioedd dysgu i'w talu'n bersonol adeg cofrestru neu cyn hynny. Ni chewch gofrestru os nad yw'r taliad gofynnol wedi'i wneud. Ni fyddwn yn gwneud unrhyw eithriadau. Sylwer, nid yw unrhyw ysgoloriaethau neu fwrsariaethau y gallech fod wedi'u hennill yn cyfrif tuag at eich rhandaliad cyntaf. Er enghraifft, pe bai rhaid i chi dalu ffioedd o £15,000 a dyfarnwyd ysgoloriaeth o £2000 i chi, byddai gennych 3 rhandaliad o 50%, 25% a 25%. Bydd dyddiadau talu'ch ail randaliad a'ch trydydd rhandaliad yn dibynnu ar y math o gwrs a dyddiad dechrau'r cwrs, gweler y tabl isod:-

Gellir cyrchu gwybodaeth am dalu ffioedd am 'Y Coleg' yma.

Os nad ydych yn gallu cyflwyno prawf o gyllid, gofynnir i chi wneud trefniadau i dalu'r ffioedd yn bersonol cyn y cewch gofrestru.

Gall hyn fod yn broblem os oes rhaid i chi dalu'ch ffioedd yn bersonol a dewiswch beidio â defnyddio’r cyfleuster talu ar fewnrwyd y Brifysgol neu system GlobalPay (fel y disgrifir uchod). Disgwylir i chi dalu gwerth Sterling (£) eich ffioedd dysgu heb ystyried unrhyw newidiadau mewn cyfraddau cyfnewid neu ddibrisiad yn arian cyfred eich gwlad frodorol. Ym mhob trosglwyddiad banc sy'n cael ei gychwyn gan fyfyriwr, dylai'r myfyriwr dderbyn cyfrifoldeb llawn am ba swm bynnag cyfwerth â Sterling sy'n cael ei dynnu gan fanc y Brifysgol, a rhaid i'r myfyriwr ei hun dalu unrhyw ddiffyg sy'n deillio o'r trafodyn. Mae hyn yn cynnwys unrhyw daliadau a godir gan y Banc am brosesu'r trafodyn. Ni fydd y Brifysgol yn gyfrifol, mewn unrhyw amgylchiadau, am wahaniaethau o ganlyniad i dalu ag arian cyfred tramor. Wrth gwrs, gallech fod ar eich ennill oherwydd newidiadau yn y gyfradd gyfnewid hefyd.

Mae'n ofynnol i fyfyrwyr sy'n astudio dramor dalu eu holl ffioedd cyn gadael y Brifysgol neu'r sefydliad lletyol. Os nad ydynt yn gwneud hyn, caiff y ddyled ei throsglwyddo i Adran Gyllid Prifysgol Abertawe a fydd yn cysylltu â'r myfyriwr i adennill y swm dyledus. Os nad yw'r ddyled wedi'i thalu wrth i'r myfyriwr gwblhau ei gwrs academaidd, caiff manylion llawn eu darparu i asiantaeth casglu dyledion i adennill y swm dyledus.

Er mwyn talu am y costau gweinyddol ychwanegol o brosesu hawliadau debyd uniongyrchol heb eu talu a sieciau a wrthodir, mae’r Brifysgol yn codi tâl o £25 am bob eitem na chaiff ei thalu.

Mae Deddfwriaeth Diogelu Data yn golygu mai dim ond â chi y gallwn drafod eich sefyllfa ffioedd dysgu bersonol oni bai ein bod wedi cael eich caniatâd ysgrifenedig i'w thrafod ag unigolyn sydd wedi’i enwebu gennych. Mae’r cyfyngiadau hyn yn berthnasol hefyd os yw'ch rhieni yn talu eich ffioedd.

Byddwch. Ar ôl cofrestru, byddwch yn derbyn cyfriflen trwy eich cyfrif e-bost myfyriwr cyn y rhandaliad nesaf. Bydd hon yn esbonio'n glir faint bydd angen i chi ei dalu, faint rydych wedi’i dalu, y dyddiad pan fydd y taliad yn ddyledus a’r dull talu sy’n berthnasol yn eich achos chi. Sylwer, byddwn yn cyfathrebu â myfyrwyr drwy eu cyfrifon e-bost myfyriwr yn unig. Dan Reoliadau’r Brifysgol, disgwylir i’r holl fyfyrwyr cofrestredig edrych ar eu cyfrifon e-bost myfyriwr yn rheolaidd.

Er mwyn talu'r costau gweinyddol o'u prosesu, gellir codi ffi weinyddol o £50 am ad-daliadau. Gweler ein Polisi Ad-daliadau am wybodaeth lawn.

Rydym hefyd yn derbyn sieciau neu ddrafftiau banc wedi'u gwneud yn daladwy i Prifysgol Abertawe (Adran Gyllid, Prifysgol Abertawe, Parc Singleton, Abertawe SA2 8PP). Ni allwn dderbyn drafft banc sydd wedi'i wneud yn daladwy i'r myfyriwr. Eich cyfrifoldeb chi yw sicrhau ein bod yn derbyn y ddogfennaeth gywir.

Mae ein cyfleuster talu ar-lein diogel ar gael i'r holl fyfyrwyr rhyngwladol (rhai newydd a rhai sy'n parhau) ac mae ar gael 24/7. Gellir ei gyrraedd drwy Fewnrwyd Prifysgol Abertawe. Mae'r system hon yn caniatáu i chi dalu â cherdyn credyd/debyd.

Mae'r Brifysgol wedi cyflwyno system newydd i ganiatáu i fyfyrwyr rhyngwladol a rhai o'r UE (ac eithrio'r DU) dalu ffioedd dysgu yn gyflym ac yn rhwydd ar wefan y Brifysgol drwy GlobalPay. Mae'r system yn ddiogel, ar gael 24 awr y dydd, saith niwrnod yr wythnos, ac mae'n hawdd ei defnyddio drwy Western Union Business Solutions.

Gall myfyrwyr ddewis un o 12 iaith wahanol i'w tywys drwy'r broses o dalu ffioedd dysgu. Gellir talu gan ddefnyddio 22 math gwahanol o arian cyfred. Nid oes comisiwn yn cael ei godi na thaliadau trosglwyddo banc ychwanegol.

Sylwer, ni fydd myfyrwyr yn gallu talu mewn punnoedd sterling drwy GlobalPay.

Mewn rhai sefyllfaoedd, bydd angen i fyfyrwyr wneud trosglwyddiad mewn Ewros neu Ddoleri'r UD os nad yw arian cyfred eu gwlad ar gael. Yn y sefyllfa honno, mae'n bosib y bydd angen i'r myfyriwr dalu ffi trosglwyddiad rhyngwladol a gellir codi tâl uwch am y trosglwyddiad hwn.

Ar ôl i chi fewngofnodi i GlobalPay, byddwch yn derbyn cyfarwyddiadau argraffedig am sut i drosglwyddo'r arian drwy eich banc lleol.

Er mwyn cwblhau'r broses o drosglwyddo arian i Brifysgol Abertawe, bydd angen i fyfyriwr gwblhau'r trosglwyddiad drwy Fancio ar y Rhyngrwyd neu gyflwyno manylion y trosglwyddiad banc i'w fanc lleol o fewn 48 awr.

Bydd Western Union Business Solutions yn anfon e-bost i gadarnhau eu bod wedi derbyn yr arian.

Nid ydym yn derbyn taliadau â cherdyn credyd dros y ffôn gan fyfyrwyr rhyngwladol newydd. Nid ydym yn derbyn American Express, Diners Club a chardiau debyd Solo Banc Nat West. Bydd myfyrwyr sy'n cofrestru ar-lein yn gallu talu â cherdyn credyd/debyd.

Mae Prifysgol Abertawe’n cynnal Campws di-arian, ni dderbynnir arian fel modd o dalu ffïoedd dysgu.