Ymchwil Addysg y Proffesiynau Iechyd (RiHPE), DProf. / DProf / M.Res.

Fel arfer, er mwyn cael lle ar y cwrs MRes neu DProf, bydd angen gradd anrhydedd 2:1 o leiaf mewn pwnc priodol. Hefyd, ceir darpariaeth ar gyfer derbyn myfyrwyr sy'n ystyried profiad gwaith pan fydd gan yr ymgeisydd radd israddedig, ond nid ar lefel anrhydedd 2:1 (cysylltwch â RiHPE@swansea.ac.uk). Bydd gan y rhan fwyaf o fyfyrwyr gymhwyster cyfatebol mewn maes ymarfer proffesiynol (e.e. BSc Nyrsio, MBBCh ac ati).

Mae'n bosibl y gall ymgeiswyr sydd eisoes wedi cwblhau modiwlau a addysgir ar lefel meistr ac wedi cael canlyniadau sy'n debyg i raddau helaeth i'r rhai ar gam addysgu'r rhaglen ddefnyddio APeL i drosglwyddo'r credydau hynny i Gam 1. Bydd yn rhaid i Gyfarwyddwr y Rhaglen a Phwyllgor APeL y Coleg benderfynu fesul achos.

Bydd yn ofynnol i ymgeiswyr ddangos eu bod yn rhugl yn y Saesneg yn unol â chanllawiau Prifysgol Abertawe ar gyfer rhaglenni ôl-raddedig (Sgôr IELTS 6.5/TOEFL 570)

Fel arfer, byddai disgwyl i'r rhai sy'n gwneud cais am le ar y rhaglen hon fodloni'r gofynion mynediad a nodir uchod. Ceidw'r Coleg/Ysgol yr hawl i ofyn am raddau a chymwysterau academaidd uwch. Mae penderfyniadau ynghylch derbyn myfyrwyr yn ystyried nid yn unig gymwysterau academaidd blaenorol, ond hefyd ffactorau sy'n cynnwys safon crynodeb yr ymchwil/y cynnig a gyflwynwyd gan yr ymgeisydd, ei berfformiad yn y cyfweliad (os oes angen), pa mor ffyrnig yw'r gystadleuaeth am nifer gyfyngedig o leoedd a phrofiad proffesiynol perthnasol (pan fydd yn briodol).

Yn ogystal â chymwysterau academaidd, gellir seilio penderfyniadau ynghylch derbyn myfyrwyr ar ffactorau eraill, gan gynnwys ond heb fod yn gyfyngedig i: safon y crynodeb/cynnig ymchwil, perfformiad yn ystod y cyfweliad, lefel y gystadleuaeth am leoedd cyfyngedig a phrofiad proffesiynol perthnasol.

Gofyniad am eirda

Yn arferol, gofynnir am ddau eirda cyn y gallwn anfon ceisiadau i Diwtor Derbyn rhaglenni ymchwil y Coleg/Ysgol i'w hystyried.

Caiff ceisiadau a dderbynnir heb ddau eirda wedi'u hatodi atynt eu gohirio nes y derbynnir y geirda sy'n weddill. Sylwer y gall oedi hir wrth dderbyn y geirda sy'n weddill arwain at ohirio'ch cais tan ddyddiad cychwyn/mis derbyn posib diweddarach, o'i gymharu â'r dyddiad y rhestroch yn gychwynnol fel y dyddiad dechrau o'ch dewis.

Efallai yr hoffech ystyried cysylltu â'ch canolwr (canolwyr) i'n cynorthwyo wrth dderbyn y geirda sy'n weddill neu, fel arall, gallwch ohirio cyflwyno'ch cais nes eich bod wedi dod o hyd i'ch geirda. Sylwer nad cyfrifoldeb Swyddfa Derbyn y Brifysgol yw dod o hyd i'r geirda sy'n weddill ar ôl i ni anfon e-bost cychwynnol at y canolwyr (canolwyr) a enwebwyd gennych, gan ofyn am eirda ar eich rhan chi.

Gall y geirda hwn fod ar ffurf llythyr ar bapur pennawd swyddogol neu gellir ei gyflwyno ar ffurflen geirda safonol y Brifysgol. Cliciwch ar y ddolen hon i lawrlwytho ffurflen geirda'r Brifysgol.

Fel arall, gall canolwyr anfon geirda mewn e-bost o'u cyfrif e-bost gwaith. Sylwer na ellir derbyn geirda a anfonir oddi wrth gyfrifon e-bost preifat, (h.y. Hotmail, Yahoo, Gmail).

Gellir cyflwyno geirda i pgradmissions@abertawe.ac.uk.

Bydd eich cwrs gradd ymchwil yn cyfuno elfen gychwynnol, fodiwlaidd a addysgir ag ymchwil dan oruchwyliaeth gan oruchwylwyr enwebedig. Byddwch yn astudio tri modiwl a addysgir wyneb yn wyneb sy'n cwmpasu dulliau ymchwil, arfarnu beirniadol, a chymhwyso’r cysyniadau hynny at addysgu gweithwyr proffesiynol ym maes gofal iechyd. Byddwch hefyd yn cwblhau portffolio lle y byddwch yn datblygu eich prosiect ymchwil, yn nodi anghenion hyfforddiant ac yn mynd i'r afael â nhw, ac yn cwblhau dadansoddiad myfyriol o effaith debygol eich ymchwil arfaethedig ar eich maes, arnoch chi fel ymarferydd ac ar bobl eraill.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Noder: Mae ffi 2023/2024 y DU yn ddangosol hyd nes y ceir cadarnhad gan UKRI.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Mae arian gan y llywodraeth bellach ar gael ar gyfer myfyrwyr o Gymru, Lloegr a'r UE sy'n dechrau ar raglenni ymchwil Ôl-raddedig ym Mhrifysgol Abertawe. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Gallwch wneud cais yn Saesneg ar-lein a dilyn statws eich cais gan ddefnyddio ein System On Track.  Neu, rydym yn croesawu ceisiadau Cymraeg drwy'r post neu e-bost:

Lawrlwythwch becyn cais

Fe'ch cynghorir i gysylltu â ni cyn cyflwyno'ch cais. Bydd hyn yn sicrhau ein bod yn gallu nodi goruchwylwyr priodol, a lle bo angen, gweithio gyda chi i fireinio'ch cynnig. Os hoffech wneud hyn dylech gysylltu â pgr-medicinehealthlifescience@swansea.ac.uk

 

 

 

Amseroedd Arfaethedig ar gyfer Cyflwyno Cais

Er mwyn caniatáu digon o amser i'ch cais gael ei ystyried gan academydd, ac i ganiatáu i amodau cynnig posib megis teithio/adleoli gael eu bodloni, argymhellwn eich bod yn cyflwyno cais cyn y dyddiadau a nodir isod. Sylwer y gellir cyflwyno ceisiadau y tu allan i'r dyddiadau a awgrymir isod o hyd, ond mae'n bosib y gall fod angen gohirio'ch cais/eich cynnig posib i'r dyddiad derbyn priodol nesaf.

Cofrestru ym mis Hydref

Ymgeiswyr o'r DU – 15 Awst

Ymgeiswyr o'r UE/ymgeiswyr rhyngwladol – 15 Gorffennaf

Cofrestru ym mis Ionawr

Ymgeiswyr o'r DU – 15 Tachwedd

Ymgeiswyr o'r UE/ymgeiswyr rhyngwladol – 15 Hydref

Cofrestru ym mis Ebrill

Ymgeiswyr o’r Deyrnas Unedig – 15 Chwefror

Ymgeiswyr o'r UE/ymgeiswyr rhyngwladol – 15 Ionawr

Cofrestru ym mis Gorffennaf

Ymgeiswyr o'r DU – 15 Mai

Ymgeiswyr o'r UE/ymgeiswyr rhyngwladol – 15 Ebrill