Rheoli Peirianneg Gynaliadwy ar gyfer Datblygu Rhyngwladol, MSc

Wedi'i achredu gan The Institution of Engineering and Technology (IET) / Yn ceisio achrediad ar gyfer rhaglen mis Ionawr

Diwrnod Agored

Cadwch Mewn Cysylltiad

Gwella ansawdd bywyd drwy ddatrysiadau peirianneg

Manylion Allweddol y Cwrs

MSc 1 Blynedd Llawn Amser

Dull Astudio: Ar y Campws
Cynnig Nodweddiadol (gweler dewisiadau arall): 2.1
Lleoliad: Campws y Bae

Dyddiad Dechrau	Ffioedd Dysgu - Blwyddyn 1
Med 2023	£ 10,150

MSc 1 Blynedd Llawn Amser

Dull Astudio: Ar y Campws
Cynnig Nodweddiadol: 2.1 - Gwybodaeth Rhagor
Lleoliad: Campws y Bae

Dyddiad Dechrau	Ffioedd Dysgu - Blwyddyn 1
Med 2023	£ 20,600

Wedi'i achredu gan The Institution of Engineering and Technology (IET) / Yn ceisio achrediad ar gyfer rhaglen mis Ionawr

Trosolwg o'r Cwrs

Mae mynediad mis Medi 2023 ar gyfer y rhaglen hon wedi'i atal. Gobeithiwn agor ceisiadau ar gyfer mynediad 2024 ar 1 Hydref 2023.

Mae'r MSc mewn Rheolaeth Peirianneg Gynaliadwy ar gyfer Datblygu Rhyngwladol yn gwrs ar lefel gymhwysol uchel sy'n cynnwys elfennau a addysgir a phrosiect sylweddol i'w gyflawni.

Byddwch yn dysgu i feddwl yn gyflym ac yn hyblyg, gan gymryd camau pendant heb feddu ar wybodaeth gyflawn er mwyn gwella ansawdd bywyd drwy ddatrysiadau peirianyddol.

Mae llawer o'r byd yn parhau i wynebu heriau, o brinder bwyd eithafol i newid yn yr hinsawdd o dan ddylanwad dyn ac achosion o golli bioamrywiaeth na ellir ei hadfer. Mae'r cwrs hwn yn anelu at sicrhau eich bod yn rhan o genhedlaeth newydd o ymarferwyr a all ymdrin â heriau o'r fath drwy ddatrysiadau peirianyddol ymarferol, gan greu cymunedau lleol gwydn a all ymateb i drefoli cyflym.

Cysylltwch â Dr Patricia Xavier am ymholiadau cyffredinol am y cwrs: P.A.Xavier@Swansea.ac.uk

Cyngor ar wneud MSc mewn Peirianneg gan ein myfyrwyr ôl-raddedig

Pam Rheoli Peirianneg Gynaliadwy ar gyfer Datblygu Rhyngwladol yn Abertawe?

Mae'r Coleg Peirianneg ym Mhrifysgol Abertawe wedi ennill enw da yn rhyngwladol am waith ymchwil arloesol ym maes peirianneg ac ymrwymiad cadarn i ddatblygu rhyngwladol, a adlewyrchir gan brosiectau symudedd myfyrwyr diweddar mewn gwledydd megis Zambia, Liberia a De Affrica.

A wyddoch chi?

Cafodd y cwrs hwn ei ddatblygu ar y cyd â Choleg y Celfyddydau a'r Dyniaethau a Sefydliad y Tywysog.
Mae'r cwrs yn cael ei addysgu ar draws ein campysau, gyda pedwar modiwl yn cael eu haddysgu ar gampws Singleton - mae hyn yn ffactor bwysig i chi ystyried wrth benderfynu ar ble hoffech chi fyw yn Abertawe
Caiff myfyrwyr eu recriwtio o gefndiroedd amrywiol, gan gynnwys STEM, Datblygu Rhyngwladol, Gwleidyddiaeth, y Gyfraith, Busnes (ond caiff meysydd eraill eu hystyried hefyd) o'r DU/UE a Thramor.

Students at Princes Foundation Graduation with Prince Charles

Dewis y cwrs Peirianneg ôl-raddedig iawn

Eich Profiad Rheoli Peirianneg Gynaliadwy ar gyfer Datblygu Rhyngwladol

Drwy gydol y cwrs hwn sy'n para blwyddyn, byddwch yn canolbwyntio ar beirianneg gynaliadwy "gymhwysol" mewn amgylchedd go iawn, gan ryngweithio â rhanddeiliaid go iawn ym maes datblygu rhyngwladol.

Byddwch yn meithrin gwerthfawrogiad amlddisgyblaethol o'r ffordd y gellir cymhwyso damcaniaeth yn y byd go iawn, gan ddysgu sut yr arweiniodd cydweithrediad rhwng Coleg y Celfyddydau a'r Dyniaethau a Sefydliad y Tywysog at greu'r cwrs, a pham bod hyn yn berthnasol.

Mae gan y Coleg Peirianneg gymuned ryngwladol sy'n cynnwys mwy na 500 o fyfyrwyr ôl-raddedig a 120 o aelodau o staff ymchwil.

Byddwch yn gallu defnyddio ein llyfrgell ar y safle, sydd ar agor 24 awr y dydd, labordai datblygedig, rhaglen o ddarlithoedd gwadd a gynhelir drwy gydol y flwyddyn ac ystafelloedd gwaith penodedig i fyfyrwyr ôl-raddedig.

Sut profiad yw bod yn fyfyriwr Peirianneg ôl-raddedig yn Abertawe

Cyfleoedd Cyflogaeth Rheoli Peirianneg Gynaliadwy ar gyfer Datblygu Rhyngwladol

Mae graddedigion y cwrs gradd hwn mewn sefyllfa dda i gael cyflogaeth arbenigol.

Cafodd y cwrs ei gynllunio i roi'r sgiliau i chi a fyddai'n berthnasol ar gyfer llwybrau gyrfa amrywiol. Gallai eich dyfodol ddilyn y rolau hyn, neu tu hwnt:

Peiriannydd sifil
Peiriannydd mecanyddol
Peiriannydd rheoli ac offeru
Peiriannydd gwasanaethau maes
Rheoli peirianneg
Peiriannydd rhwydwaith
Ymgynghorydd ynni adnewyddadwy
Ymgynghorydd cynaliadwyedd
Gweithiwr cymorth rhyngwladol
Gweithiwr datblygu rhyngwladol
Cynghorydd cyfathrebu
Ymchwilydd

Modiwlau

Mae'r MSc hwn yn cynnwys cyfres o fodiwlau 10-credyd gorfodol ar bynciau sy'n cynnwys ymgysylltu â chymunedau, adnoddau ar gyfer datblygu rhyngwladol; modiwl 20-credyd Cyflwyniad i Astudiaethau Datblygu; a modiwl 60-credyd sy'n cynnwys prosiect tîm a thraethawd hir unigol.

Blwyddyn 1 (Lefel 7T)

FHEQ 7 Taught Masters / PGDip / PGCert

Mae myfyrwyr yn dewis 180 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Engineering Technology, Innovation and Application	Academic Year	10	EGSM05
Engineering in Development Practice	Academic Year	10	EGSM13
Community Engagement	Academic Year	10	EGSM14
Concept Development and Application Pt1	Academic Year	10	EGSM17
Project Management	Academic Year	10	EGSM18
Concept Development and Application Pt2	Academic Year	10	EGSM20
Circular Economy and Sustainable Engineering	Academic Year	10	EGSM23
Leadership and Complexity Management (SEM4ID)	Academic Year	10	EGSM28
Introduction to Development Studies	Academic Year	10	PO-M75A
Socio-economic and political implications of engineering solutions	Academic Year	10	PO-M76
Monitoring & Impact Evaluation for International Development	Academic Year	10	PO-M77
Tools for International Development	Academic Year	10	PO-M78

Modiwlau Opsiynol

Dewiswch Yn union 60 o gredydau o'r Modiwlau a ganlyn:

SYLWER :Students with an Engineering background need to select EG-D11.

Enw'r Modiwl	Hyd y Modiwl	Credydau	Cod y Modiwl	Canllawiau
Team Project & Individual Dissertation	Academic Year	60	EG-D10
Team Project & Individual Dissertation (Engineers)	Academic Year	60	EG-D11

Gofynion Mynediad

Caiff myfyrwyr o gefndiroedd amrywiol eu recriwtio i gyflawni rolau penodol yn y prosiect. Mae angen o leiaf BEng/BSc/BA 2.1 (neu gymhwyster cyfatebol) mewn disgyblaeth berthnasol, gyda IELTS 6.5 a 5.5 o leiaf ym mhob maes asesu (neu SELT cyfatebol).

Noder bod terfyn ar nifer y lleoedd sydd ar gael ar y cwrs hwn.

Bydd ymgeiswyr yn cael cyfweliad (yn bersonol neu drwy Skype) hefyd a rhagwelir y caiff y cyfweliadau eu cynnal rhwng diwedd mis Mai a diwedd mis Mehefin.

Sut byddwch chi'n cael eich dysgu

Bydd y rhaglen yn cynnwys gwaith addysgu traddodiadol yn yr ystafell ddosbarth, dysgu ar-lein, gweithdai rhyngweithiol a seminarau. Bydd gwaith grŵp amlddisgyblaethol yn elfen allweddol o'r cwrs, yn ogystal â phrosiectau sy'n canolbwyntio ar ddiwydiant. Caiff yr holl fodiwlau eu cyflwyno ar sail "ddwys", h.y. yn unigol dros gyfnod o bythefnos.

Darpariaeth Gymraeg

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Mentor Academaidd Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

ddatblygiad naturiol i ti os wyt ti wedi astudio trwy'r Gymraeg ar lefel israddedig.
ffordd o sicrhau dy gyfle i gael yr addysg orau.
ffordd o dderbyn lefel uchel o gefnogaeth wrth i'r grwpiau astudio fod yn llai.
ychwanegiad gwerthfawr i dy CV a dy ddatblygiad gyrfaol.

Achrediad Corff Proffesiynol

Mae Rheoli Peirianneg Gynaliadwy ar gyfer Datblygu Rhyngwladol (Peirianneg) wedi'i achredu gan y Sefydliad Peirianneg a Thechnoleg (IET) ar ran y Cyngor Peirianneg fel un sy'n bodloni'r gofynion ar gyfer Dysgu Pellach i gofrestru fel Peiriannydd Siartredig. Rhaid bod gan ymgeiswyr radd dosbarth cyntaf israddedig mewn BEng/BSc (Anrh) achrededig CEng (Anrh) i gydymffurfio â gofynion cofrestru CEng llawn.

Cwrdd â'ch Darlithwyr

Bydd y staff academaidd canlynol yn addysgu eich gradd:

Ms Xiaojun Yin (Ping)
Dr Krijn Peters
Dr Patricia Xavier
Dr Matthew Davies
Dr Charlie Dunnill
Dr Alvin Orbaek White
Dr Vasileios Samaras
Dr Marc Holmes
Dr Catherine Grove

Cysylltwch â Dr Patricia Xavier am ymholiadau cyffredinol am y cwrs: P.A.Xavier@Swansea.ac.uk

Ffioedd Dysgu

Dyddiad Dechrau	D.U.	Rhyngwladol
Medi 2022	£ 9,650	£ 19,600
Medi 2023	£ 10,150	£ 20,600

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Sut i wneud cais

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.