Eich Cerdyn Adnabod Myfyriwr

Rhoddir cerdyn adnabod Prifysgol Abertawe, hefyd a elwir yn gerdyn Llyfrgell, i holl fyfyrwyr y Brifysgol.

Bydd eich cerdyn adnabod yn eich galluogi chi i:

Cofnodi’ch presenoldeb mewn darlithoedd, drwy ei sweipio
Benthyg deunyddiau o'r llyfrgell
Defnyddio'r gwasanaeth argraffu, copïo a sganio yn y llyfrgell
Cael mynediad i rai ystafelloedd astudio a labordai
Dangos pwy ydych chi mewn arholiadau Prifysgol
Dod yn aelod o glybiau chwaraeon a chymdeithasau

Myfyriwr yn defnyddio ei gerdyn adnabod myfyriwr i fenthyg llyfr

Sut allaf gasglu fy ngherdyn?

Os ydych chi'n fyfyriwr newydd, gallwch chi gasglu eich cerdyn ar ôl ymrestru. Yn gyntaf, bydd rhaid i chi lanlwytho llun ar gyfer eich cerdyn. Cliciwch ar yr adrannau isod am fwy o wybodaeth.

Sut ydw i'n lanlwytho fy llun?

Mewngofnodwch i'ch cyfrif MyUni a dewiswch yr opsiwn Mewnrwyd.
Ewch i'r tudalen Crynodeb Proffil Myfyriwr. (Dyma yw'r tudalen rhagosodedig y tu allan i gyfnodau ymrestru. Yn ystod cyfnodau ymrestru, dewiswch yr opsiwn Lwytho Llun, fel y dangosir yn y sgrinlun isod.)
Ar y tudalen Crynodeb Proffil Myfyriwr, cliciwch yr opsiwn 'Dewis Ffeil' a dewiswch lun i lanlwytho o'ch dyfais. Mae'r rhifau uwchben ac wrth ochr y ddelwedd ar y tudalen proffil yn cynrychioli dimensiynau'r ddelwedd (150 picsel o led a 180 picsel o uchder). Os nad ydy'r ddelwedd rydych chi'n ei lanlwytho yn cyfateb i'r dimensiynau hyn, caiff ei ailfeintio yn awtomatig ar eich cyfer.
Wedi i chi dewis eich ffeil, dangosir rhybudd cyn lanlwytho, i'ch hysbysu o unrhyw ddyddiadau torbwynt a gofynion ar gyfer y llun. Cliciwch ar 'Lwytho Llun' i gwblhau'r broses.
Dylech nawr gweld fod eich llun wedi newid, yn ogystal â neges llwyddiant.
Caiff eich llun ei wirio gan y Tîm Gwasanaeth Cwsmer o fewn rhai dyddiau ar ôl lanlwytho. Os nad yw’r llun yn addas, cewch eich hysbysu ar e-bost a gofynnir i chi ailadrodd y broses hon.

Pa ganllawiau sydd angen i fy llun eu cyflawni?

Er mwyn i'ch llun cael ei derbyn:

Bydd angen iddo fod yn llun pen ac ysgwydd glir, ddiweddar, arddull pasbort ohonoch.
Dylech fod yn wynebu i'r blaen ac yn edrych yn syth at y camera.
Dylai'ch llygaid fod ar agor ac yn weladwy, ac na ddylech fod yn gwisgo sbectol haul neu sbectol arlliw.
Dylai'ch gwallt ddim bod ar draws eich llygaid.
Bydd angen i'r llun fod o'ch pen cyfan, heb unrhyw orchudd, heblaw eich bod yn ei wisgo am resymau crefyddol neu feddygol.
Rhaid i'r llun fod ohonoch chi ar eich pen eich hun, heb bobl eraill mewn golwg.
Rhaid i'r llun fod yn llun lliw, nid du a gwyn.
Dylai'r llun fod a gogwydd portreadol ac yn unionsyth.
Dylai'r llun fod tua 150 picsel o led a 180 picsel o uchder, a dylai fod mewn fformat jpg.

Mae'r delweddau enghreifftiol isod ar y chwith (gyda chroesau coch) yn dangos lluniau nad ydynt yn cyflawni'r canllawiau llun. Mae'r delweddau enghreifftiol isod ar y dde (gyda thiciau gwyrdd) yn dangos lluniau sy'n cyflawni'r canllawiau a gellir eu derbyn.

Cyfres o luniau arddull pasbort sy'n dangos enghreifftiau da a drwg o luniau cardiau adnabod

O ble gallaf gasglu fy ngherdyn?

Mae eich lleoliad casglu'ch cerdyn yn dibynnu ar ba gwrs rydych yn ei astudio ac ar ble mae'r cwrs wedi'i sefydlu. Darllenwch eich tudalen Casglu Cardiau Adnabod am fwy o wybodaeth.

Sicrhewch eich bod wedi cyflawni'r rhestr wirio isod cyn mynd i gasglu'ch cerdyn.

Lanlwythwch eich llun fel ein bod yn gallu argraffu eich cerdyn cyn i chi ddod
Cwblhewch ymrestru ar-lein
Gwiriwch eich lleoliad casglu a'r oriau agor
Cofiwch ddod a'ch pasbort neu'r prawf adnabod arall wnaethoch lanlwytho i'r fewnrwyd cyn i chi ymrestru

Edrych ar ôl eich cerdyn

Wedi i chi casglu eich cerdyn, byddwch yn sicr i edrych ar ei ôl! Cymerwch ofal i beidio â'i phlygu neu bwnsio tyllau ynddo, gan gall hyn achosi difrod a all rhwystro'r cerdyn rhag gweithio gyda rhai systemau.

Os ydy eich cerdyn wedi mynd ar goll neu wedi ei ddwyn, adroddwch hwn i Dîm Llyfrgell MyUni cyn gynted ag sy'n bosib.

Os oes angen amnewid eich cerdyn, ymwelwch â'r Ddesg Llyfrgell MyUni yn Llyfrgell Parc Singleton neu Lyfrgell y Bae, gan ddod a phrawf adnabod ffotograffig gyda chi. Codir tal amnewid o £4.00 am gardiau coll neu sydd wedi eu difrodi.

Os oes angen cymorth arnoch ddefnyddio'ch cerdyn, neu os nad ydy eich cerdyn yn gweithio ar rhai systemau, cysylltwch â Thîm Llyfrgell MyUni a bydd yn hapus i'ch helpu.