Nod llwybr Academi Gofal Sylfaenol Ysgol Feddygaeth Prifysgol Abertawe yw darparu profiad dysgu o'r ansawdd uchaf i fyfyrwyr mewn gwasanaethau gofal sylfaenol a chymunedol, gan baratoi'n darpar feddygon ar gyfer gofynion iechyd cleifion, teuluoedd a chymunedau yn y degawdau sydd i ddod.
Darperir mwyfwy o ofal iechyd y tu allan i ysbytai, yng nghartrefi cleifion neu mewn lleoliadau yn y gymuned sy'n agos atynt. Bydd hyn yn golygu y bydd angen sgiliau ychwanegol ar ein meddygon yn y dyfodol o ran arweinyddiaeth a gweithio mewn tîm, arddel ymagwedd gyfannol at gleifion, meddu ar ddealltwriaeth well o iechyd ataliol a gwella lles, ynghyd â gwneud diagnosis a thrin clefyd.
Oherwydd poblogaeth sy'n heneiddio, mae nifer y cleifion sydd â chyflyrau iechyd cymhleth yn cynyddu'n gyson a bydd yn rhaid i feddygon ddatblygu sgiliau 'arbenigol cyffredinol' a fydd yn eu galluogi i gynnwys gwybodaeth am amrywiaeth o arbenigeddau i ofalu am gleifion mewn modd 'cyfannol' ac nid mewn ffordd ranedig.
Nod llwybr Academi Gofal Sylfaenol Ysgol Feddygaeth Prifysgol Abertawe yw darparu profiad dysgu o'r ansawdd uchaf i fyfyrwyr mewn gwasanaethau gofal sylfaenol a chymunedol, gan baratoi'n darpar feddygon ar gyfer gofynion iechyd cleifion, teuluoedd a chymunedau yn y degawdau sydd i ddod.
Gyda chymorth ein Byrddau Iechyd Prifysgol lleol, cyflwynir yr Academi Gofal Sylfaenol ar draws cymunedau lleol ac mae'n cefnogi dysgu ac addysgu amlddisgyblaethol o safbwynt gofal cymunedol, wrth alluogi myfyrwyr meddygaeth i gyflawni'r un deilliannau dysgu â'u cymheiriaid ar lwybr lleoliad gofal eilaidd.
