Cyrsiau Is-raddedig yn dod yn fuan!

Disgrifiad

Dyluniwch eich gradd eich hun gyda rhaglen israddedig hynod hyblyg.

Mae BA Anrhydedd Cyfun yn radd heriol ond gwobrwyol. Mae’n cynnig ystod ehangach o gyfleoedd na gradd sengl neu gyd-anrhydedd a gellir ei haddasu i ddiwallu eich diddordebau, eich cryfderau a’ch nodau gyrfa.

Yn y flwyddyn gyntaf, byddwch yn astudio tri maes pwnc er mwyn i chi ddatblygu sylfaen wybodaeth eang o’r dyniaethau. Yn yr ail flwyddyn a’ch blwyddyn olaf, gallwch gyfuno dau neu dri phwnc ar gyfer astudio manwl, gan gaffael Sylfaen wybodaeth eang iawn a set o sgiliau rhyngddisgyblaethol.

Mae ymgysylltu â myfyrwyr yn ganolog i’n darpariaeth. Byddwch yn cael llawer o gyfleoedd i gymryd rhan wrth gyd-reoli eich gradd a chefnogi eich cyfoedion. Rydym yn sicrhau eich bod yn datblygu eich rhinweddau graddedig ac yn cynnal gwaith ymchwil annibynnol a phrosiect blwyddyn olaf ar bwnc sydd o ddiddordeb i chi.

Mae’r BA Anrhydedd Cyfun yn cynnig llawer iawn o hyblygrwydd, er enghraifft:

• Nid oes rhaid i chi ymrwymo i bynciau nes i chi gyrraedd
• Gallwch newid eich meddwl am gyfuniadau o bynciau a modiwlau yn ystod y bythefnos addysgu gyntaf
• Gallwch astudio pynciau’n gyfartal neu drwy brif bwnc/is bwnc
• Mae gan pob cyfuniad pwnc yr un graddau mynediad

Mae’r BA Anrhydedd Cyfun hefyd yn cynnig cyfleoedd i gynnwys blwyddyn ar leoliad gwaith neu astudio dramor gyda’ch gradd.

Pynciau sy'n Debygol o Gael eu Trafod

Mae’r pynciau y gallwch eu hastudio’n cynnwys: Llenyddiaeth Saesneg, Ysgrifennu Creadigol, Ieithyddiaeth Gymhwysol, Ffrangeg, Sbaeneg, Almaeneg, Astudiaethau Clasurol, Hanes yr Hen Fyd, Eifftoleg, Lladin, Groeg Hynafol, y Cyfryngau, Hanes, Astudiaethau Americanaidd, Astudiaethau’r Oesoedd Canol, Cymraeg, Ffilm a Diwylliant Gweledol.

Bydd astudio BA Anrhydedd Cyfun yn eich galluogi i ddatblygu eich annibyniaeth a’ch hyder.

Bydd graddio gyda gradd BA Anrhydedd Cyfun yn dangos eich bod wedi datblygu sgiliau ymchwil a threfnu o’r radd flaenaf, yn ogystal â hyder wrth syntheseisio gwybodaeth o ystod eang o bynciau a ffynonellau.

Caiff eich opsiynau cyflogaeth eu gwella gan eich gallu i ddangos gwybodaeth mewn mwy nag un pwnc, eich ystwythder academaidd a hyfedr mewn meddwl mawr.

Dyddiad Cychwyn Bwriededig

Medi 2024

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae cyfuno Rheoli Busnes ag ieithoedd a diwylliannau modern yn rhoi ffocws byd-eang i'ch gradd.

Rydym yn gweithio gyda chyrff byd diwydiant a darpar gyflogwyr i sicrhau bod y radd mewn Rheoli Busnes (Ieithoedd Modern) yn berthnasol mewn amgylchedd busnes sy'n newid yn gyflym, i'ch galluogi i feithrin sgiliau a gwybodaeth sy'n werthfawr iawn i gyflogwyr a'ch paratoi ar gyfer gyrfa fyd-eang ag arbenigedd busnes a sgiliau iaith.

Nid oes rhaid i chi astudio iaith dramor fodern ar Safon Uwch, er ein bod yn chwilio am ddawn ac ymroddiad i astudio iaith.

Byddwch yn dysgu'n unigol ac mewn grwpiau, drwy gymysgedd o sesiynau sgiliau ymarferol, seminarau gwaith labordy, gweithdai, a dosbarthiadau iaith gyda mynediad at labordai iaith rhithwir, ac Amgylcheddau Dysgu Efelychol. Hefyd, bydd cyfle i chi gwrdd â myfyrwyr cyfnewid mewn caffis iaith wythnosol i sgwrsio yn yr ieithoedd rydych chi'n eu hastudio.

Erbyn diwedd y radd, byddwch yn barod i gychwyn ar eich taith fel dinesydd byd-eang, gyda'r potensial i ymgymryd â nifer sylweddol o rolau gwahanol ar draws sbectrwm eang o ddiwydiannau a gwasanaethau cyhoeddus.

Achredir y cwrs hwn gan y CMI (Sefydliad Rheolaeth Siartredig). Byddwch yn cael cyfle i danysgrifio i aelodaeth o’r CMI yn eich blwyddyn olaf a fydd yn rhoi tystysgrif Lefel 5 i chi mewn Rheolaeth gan y CMI yn ogystal â Statws Sylfaenol Rheolwr Siartredig.

Mae cyfleoedd i astudio ymhellach ar lefel Meistr ac Ymchwil ar gael hefyd.

Pynciau sy'n Debygol o Gael eu Trafod

Byddwch yn meithrin eich sgiliau o ran egwyddorion ac ymarfer rheoli busnes drwy astudio modiwlau megis

• Sgiliau Allweddol ar gyfer Busnes
• Cyd-destun Byd-eang Sefydliad
• Rheoli yn yr Oes Ddigidol

Cynigir sesiynau blasu iaith ym Mlwyddyn Un i'ch galluogi i roi cynnig ar amrywiaeth o ieithoedd cyn ymrwymo i un iaith, gan ddewis rhwng Eidaleg, Mandarin, Ffrangeg, Almaeneg neu Sbaeneg. Byddwch hefyd yn cael cipolwg ar ddiwylliannau'r iaith rydych yn ei hastudio.

Bydd gennych chi opsiwn i astudio am flwyddyn dramor a fydd yn gwella eich sgiliau iaith ymhellach ac yn ehangu eich dealltwriaeth o ddiwylliant busnes y wlad honno.

Fel arall, gallwch ymgymryd â Blwyddyn mewn Diwydiant, gyda lleoliad gwaith am flwyddyn mewn diwydiant o'ch dewis. Gallwch ennill profiad o fyd diwydiant yn y byd go iawn, rhwydweithio a chydweithio â meddylwyr byd busnes a rhoi eich gwybodaeth ddamcaniaethol ar waith yn y gweithle.

Gyda chymorth gan ein tîm Cyflogadwyedd, gallwch benderfynu ar y llwybr lleoliad gwaith o'ch dewis yn ystod eich blwyddyn astudio gyntaf.

Dyddiad Cychwyn Bwriededig

Medi 24 / Ion 25

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae’r radd Technoleg Ddigidol yn cynnwys creu a defnyddio data a systemau digidol a’u heffaith ar gymdeithas ledled y byd. Mae ei chwmpas eang yn galluogi myfyrwyr i ddatblygu eu gwybodaeth a’u dealltwriaeth o’r byd digidol, a sut mae systemau digidol yn cael eu creu a’u defnyddio’n greadigol, yn gynhyrchiol ac yn ddiogel.

Drwy gydol y rhaglen tair blynydd, bydd myfyrwyr yn astudio pynciau a fydd yn ehangu eu gwerthfawrogiad o effeithiau cymdeithasol, economaidd a gwleidyddol Technoleg Ddigidol. Byddant yn gallu defnyddio set o offer safonol y diwydiant i gynllunio, datblygu a chreu cynnyrch digidol sy’n amrywio o ymgyrchoedd marchnata i gemau cyfrifiadurol.

Erbyn diwedd y radd, bydd myfyrwyr yn ddigidol fedrus, gan eu galluogi nhw i ymgymryd â nifer helaeth o rolau digidol gwahanol ar draws sbectrwm eang o ddiwydiannau a gwasanaethau cyhoeddus.

Pynciau sy'n Debygol o Gael eu Trafod

Mae’r cwrs hwn yn addysgu ystod eang o bynciau sy’n archwilio defnydd a goblygiadau Technoleg Ddigidol, yn ogystal â Pheirianneg Gyfrifiadureg a Meddalwedd graidd. Mae’r rhain yn cynnwys ond heb fod yn gyfyngedig I’r canlynol:

• Meddwl Cyfrifiadol
• Animeiddio
• Rhaglennu
• Datblygu Gemau
• Creu Cyfryngau
• Diogelwch
• Data Mawr
• Cyfathrebu Digidol
• Hanes Technoleg Ddigidol
• Effeithiau Cymdeithasol
• Goblygiadau Technoleg Ddigidol

Dyddiad Cychwyn Bwriededig

Medi 2024

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Sector yn y diwydiant cyllid sy'n esblygu o hyd yw Technoleg Ariannol, neu “FinTech”. Trwy ddenu technolegau aflonyddgar newydd fel deallusrwydd artiffisial, blockchain, a data mawr, mae Technoleg Ariannol yn herio dulliau traddodiadol wrth ddarparu gwasanaethau ariannol. Mae'r diwydiant hwn, sydd ar dwf, yn cyflogi bron cymaint o bobl â'r diwydiant ariannol cyfan yn Llundain (adroddiad swyddi FinTech 2021).

Nod ein rhaglen BSc Cyllid (Technoleg Ariannol) yw rhoi dealltwriaeth gynhwysfawr o dirwedd Technoleg Ariannol i fyfyrwyr. Mae'r cwrs yn cynnig cwricwlwm manwl ar godio a dadansoddi data, ynghyd â sylfaen gref mewn gwybodaeth ariannol a diwydiannol. Bydd gan raddedigion y rhaglen sgiliau hynod ddeniadol y gellir eu defnyddio mewn diwydiannau amrywiol ledled y byd:

• Dadansoddwr Ariannol
• Ymgynghorydd Ariannol
• Ymgynghorydd Rheoli Cyfoeth neu Fuddsoddi (Asedau Digidol)
• Gweithiwr Bancio Proffesiynol
• Rheolwr Asedau / Cronfeydd
• Rheolwr Risg
• Rheolwr Cynnyrch Technoleg Ariannol
• Rheolwr Datblygu Busnes Technoleg Ariannol
• Rheolwr Cydymffurfiaeth Technoleg Ariannol

Nid oes angen cymhwyster Safon Uwch mewn Busnes, Economeg, Mathemateg na Chyfrifeg/Cyllid.

Pynciau sy'n Debygol o Gael eu Trafod

Bydd myfyrwyr y rhaglen BSc Cyllid (Technoleg Ariannol) yn cael dealltwriaeth gadarn o gyllid a'r diwydiant ariannol, ochr yn ochr â gwybodaeth arbenigol o'r sector Technoleg Ariannol sy'n esblygu'n gyflym. Byddant yn datblygu sgiliau dadansoddol a meintiol, yn ogystal â hyfedredd mewn codio, dadansoddi data a rheoli a masnachu algorithmig, sy'n hanfodol ar gyfer gweithio yn y sector cyllid sy'n newid yn gyflym. Yn ogystal, byddant yn dysgu am y datblygiadau diweddaraf mewn deallusrwydd artiffisial, blockchain, data mawr a thechnolegau aflonyddgar eraill sy'n trawsnewid y diwydiant ariannol. Bydd gan raddedigion y rhaglen hon adnoddau da i fynd i'r afael â phroblemau ariannol cymhleth gan ddefnyddio technoleg a bydd galw mawr amdanynt ymhlith cyflogwyr yn y sector gwasanaethau ariannol.

Gallwch ymgymryd â Blwyddyn mewn Diwydiant, gyda blwyddyn o leoliad gwaith mewn diwydiant o’ch dewis. Dyma gyfle i ennill profiad o’r diwydiant go iawn, rhwydweithio a chydweithio â meddylwyr y byd busnes a defnyddio eich gwybodaeth ddamcaniaethol yn ymarferol yn y gweithle. Fel arall, gallwch hefyd wella eich cyflogadwyedd gyda'r opsiwn o astudio dramor am flwyddyn.

Gyda chefnogaeth ein tîm Cyflogadwyedd, gallwch benderfynu ar y lleoliad rydych yn ei ffafrio yn ystod eich blwyddyn astudio gyntaf.

Ceir cyfleoedd i astudio ymhellach yn y maes hwn ar lefel Meistr ac Ymchwil hefyd.

Dyddiad Cychwyn Bwriededig

Med 24 / Ion 25

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.

Disgrifiad

Mae ein rhaglen BSc Cyllid (Cynaliadwyedd) ar gyfer myfyrwyr sydd am ymgymryd â her ddybryd newid yn yr hinsawdd a chyfrannu at ddyfodol mwy cynaliadwy. Mae ein rhaglen yn eich paratoi i fod ar flaen y gad yn y chwyldro cynaliadwyedd sy'n trawsnewid y diwydiant cyllid.

Mae pob diwydiant yn dod i ddeall gwerth adrodd ar gynaliadwyedd a buddsoddi cynaliadwy, yn enwedig yn y maes rheoli buddsoddiadau. Wrth ymuno â'n rhaglen, byddwch yn datblygu sylfaen gadarn ym maes cyllid ac yn ennill y sgiliau arbenigol sydd eu hangen ar gyfer adrodd ar gynaliadwyedd a buddsoddi mewn modd cynaliadwy. Byddwch hefyd yn dysgu am y fframweithiau rheoleiddio a materion hollbwysig eraill sy'n ymwneud â chynaliadwyedd. Gyda'n rhaglen BSc Cyllid (Cynaliadwyedd), byddwch mewn sefyllfa dda i ddilyn gyrfa mewn meysydd sy’n tyfu'n gyflym sef adrodd ar gynaliadwyedd a buddsoddi cynaliadwy.

Mae'r gyrfaoedd posib yn cynnwys:

• Rheolwr cronfeydd cynaliadwy
• Rheolyr Asedau
• Ymgynghorydd cyllid
• Bancio / Buddsoddi proffesiynol
• Rheolwr prosiectau amgylcheddol
• Rheolwr cynaliadwyedd corfforaethol

Nid oes angen cymhwyster Safon Uwch mewn Busnes, Economeg, Mathemateg na Chyfrifeg/Cyllid.

Pynciau sy'n Debygol o Gael eu Trafod

Bydd myfyrwyr yn datblygu sgiliau dadansoddol, meintiol, a datrys problemau er mwyn asesu a mynd i'r afael â materion ariannol a chynaliadwyedd yng nghyd-destun y byd go iawn. Ymhlith y pynciau sy'n debygol o gael sylw yn y rhaglen hon mae Llywodraethiant a Moeseg Gorfforaethol; Economeg Amgylcheddol ac Adnoddau; Adrodd Cynaliadwy; Buddsoddi Cynaliadwy; Rhaglennu ar gyfer Cyllid a Dadansoddi Data a Delweddu.

Gallwch ymgymryd â Blwyddyn mewn Diwydiant, gyda blwyddyn o leoliad gwaith mewn diwydiant o’ch dewis. Dyma gyfle i ennill profiad o’r diwydiant go iawn, rhwydweithio a chydweithio â meddylwyr y byd busnes a defnyddio eich gwybodaeth ddamcaniaethol yn ymarferol yn y gweithle. Fel arall, gallwch hefyd wella eich cyflogadwyedd gyda'r opsiwn o astudio dramor am flwyddyn.

Gyda chefnogaeth ein tîm Cyflogadwyedd, gallwch benderfynu ar y lleoliad rydych yn ei ffafrio yn ystod eich blwyddyn astudio gyntaf.

Ceir cyfleoedd i astudio ymhellach yn y maes hwn ar lefel Meistr ac Ymchwil hefyd.

Dyddiad Cychwyn Bwriededig

Med 24 / Ion 25

Cwblhewch y ffurflen isod fel y gallwn yrru mwy o wybodaeth atoch am y rhaglen radd hon pan ddaw ar gael e.e. modiwlau, ffioedd, dyddiad dechrau ayyb.