Cyngor Clirio i Rieni

Item: Prifysgol Abertawe
Author: Helen

Cyngor Clirio i Rieni

Peidiwch â phoeni rydym yma i helpu

Mae cyfnod clirio yn amser ingol i fyfyrwyr, ond mae’n gallu bod yn union mor anodd ar rhieni neu warcheidwaid, wedi’r cyfan, bydd y canlyniad hefyd yn cael effaith mawr ar eich cynlluniau at y dyfodol.

Er hynny, nid oes angen iddo achosi pryder.

Mae’r mwyafrif o brifysgolion yn cymryd cyfran fawr o ymgeiswyr trwy Glirio, a chaiff ystod eang o lefydd gwag clirio, ac yn barod i gymryd eich galwad ffôn. Yma yn Abertawe, byddwn yn gwneud popeth y gallwn i helpu ymgeiswyr darganfod y lle iawn iddynt.

I helpu rhieni a gofalwyr i gefnogi eu mab neu eu merch trwy’r broses glirio, edrychwch ar ein cyngor er mwyn paratoi ymlaen llaw am ddiwrnod canlyniadau.

Efallai y bydd eich plentyn yn y broses Glirio am amrywiaeth o resymau… Nid oes rhaid i Glirio fod yn brofiad dirdynnol, rydym yma i’ch cefnogi gam wrth gam drwy’r broses

Helen, Pennaeth y Swyddfa Derbyn Myfyrwyr

Clirio wedi esbonio

Rwy'n Rhiant - Allai Siarad â chi yn Uniongyrchol?

Er na fydd yn bosibl i ni drafod cais eich plentyn oni bai eich bod wedi’ch enwebu ar ei ffurflen UCAS neu wedi cael caniatâd ganddo fe / hi .

Er hynny, gyda'r caniatâd gallwn roi cyngor i chi ynglŷn â llety, y math o gefnogaeth a gânt pan fyddant yn cyrraedd ynghyd â gwybodaeth gyffredinol am y Brifysgol, Abertawe a’r ardal.

Beth yw Clirio?

Mae clirio yn broses UCAS o gydweddu prifysgolion gyda llefydd gwag i fyfyrwyr heb le mewn prifysgol. Mae'r llefydd yn llanw yn gyflym, felly mae’n bwysig i chi gael eich mab neu’ch merch ar y ffôn ar ddiwrnod canlyniadau fel y gallant sicrhau lle i’w hunain.

Gallant gofrestru gyda system Clirio i gael lle ym Mhrifysgol Abertawe yn awr i sicrhau eu bod yn barod cyn diwrnod y canlyniadau. Nhw fydd y cyntaf i wybod am ein lleoedd gwag drwy glirio, digwyddiadau, awgrymiadau a negeseuon atgoffa i sicrhau eu lle yn y brifysgol.

Siaradwch ag ymgynghorydd yn ysgol, coleg, canolfan neu swyddfa gyrfaoedd eich plentyn – gallant dawelu meddwl eich plentyn a gallant siarad â nhw trwy’u hopsiynau megis prifysgolion neu gyrsiau eraill.

Ble Allwn Ddarganfod Llefydd Gwag Clirio?

Gallwch ddarganfod rhestr o lefydd gwag ar gyrsiau ar wefan UCAS Track - edrychwch ar beth sydd gennym i gynnig yma yn Abertawe. Siaradwch â’ch plentyn a gwnewch restr o brifysgolion neu gyrsiau posib efallai bydd ganddo fe/hi ddiddordeb ynddo.

Cofiwch, mae angen i’ch mab neu’ch merch fod yn hapus gyda’r cwrs a’r brifysgol, peidiwch â gadael iddo fe/hi deimlo dan bwysau i ddewis opsiwn nad ydy yn hollol gyffyrddus gyda.

Beth Sy'n Digwydd Pan yw fy Mhlentyn yn Ffonio?

Bydd angen i’ch plentyn wneud y galwad ffôn, mae Prifysgolion eisiau gweld bod eu darpar fyfyrwyr yn annibynnol, felly fydd cael eich rhiant neu eich warcheidwaid ffonio ar ei ran ddim yn edrych yn dda - hefyd unwaith y byddant yn dechrau siarad, efallai bydd ganddo fe/hi lot o gwestiynau i ofyn. Llinell Gymorth Abertawe yw 0808 175 3071.

Pan fydd eich plentyn yn ffonio ein Llinell Gymorth, gofynnir i chi am;

Rhif UCAS (os ydy fe/hi ar y system UCAS am y cyfnod yma)
Enw’r cwrs (neu fath o’r cwrs) mae ganddo fe/hi ddiddordeb ynddo
Manylion ei g/chymwysterau
Cyfeiriad e-bost dilys er mwyn derbyn e-bost os ydy fe/hi yn cael cynnig lle

Gwnewch yn siŵr bod gennych yr holl wybodaeth uchod o’ch blaen chi cyn eich plentyn yn ffonio - hyd yn oed os ydynt yn gwybod eu Rhif Adnabod Personol UCAS ar eu cof, byddwch chi’n synnu faint o bobl yn anghofio unwaith y mae’n nhw'n ffonio.

Gall llinellau cymorth y prifysgolion fod yn brysur iawn, felly byddwch yn amyneddgar a chadwch ffonio. Neu, mae gan lawer o brifysgolion ffurflenni cais clirio, felly gallwch wneud cais ar-lein. Bydd Tiwtoriaid Derbyn yn edrych dros geisiadau yn gyson felly dylech gael penderfyniad yn gyflym.

Derbyn Cynnig

Unwaith mae’ch plentyn wedi sicrhau lle, ymlaciwch ac ymchwiliwch mewn i’r cwrs a’r brifysgol y mae ganddo fe/hi ddiddordeb ynddo. Bydd angen iddo fe/hi fynd ar UCAS er mwyn gosod manylion y Brifysgol a’r cwrs o’i ddewis, dydy e ddim yn bosib ychwanegu dewis clirio tan 15:00 ar ddydd Iau 18 o Awst, felly mae digon o amser i chi feddwl am eich dewis.

Unwaith mae’r dewis wedi cael ei gadarnhau, gallwch fynd ati i baratoi am gofrestru; bydd angen i chi ddweud wrth y bobl sydd yn delio â’ch cais am gyllid i fyfyrwyr. Gallant wedyn gwneud y cywiriadau angenrheidiol ar gyfer unrhyw cymorth ariannol mae gennych hawl iddo. Darllenwch mwy yma am gyllid myfyrwyr.

Bydd angen i chi drefnu llety os yw eich plentyn yn mynd i astudio o gartref. Dydy myfyrwyr clirio ddim yn derbyn blaenoriaeth pan ydynt yn gwneud cais i Brifysgol am lety, ond peidiwch â phoeni, os yw eich plentyn yn derbyn lle yn Abertawe, os bydd eich plentyn yn derbyn cynnig gan Abertawe, bydd yn sicr o gael lle yn llety’r brifysgol os yw’n cyflwyno cais cyn 23 Awst 2022.

Beth os ydynt yn dal cynnig gan Brifysgol arall?

Nid yw ymgeiswyr yn gallu gwneud cais ffurfiol Clirio os ydynt yn dal cynnig lle gan Brifysgol arall. Ond, os ydynt yn newid eu meddwl ac yn penderfynu eu bod eisiau dod i Brifysgol Abertawe yn lle, mae croeso iddynt gysylltu â ni i weld a fyddwn ni'n cynnig lle iddynt ac wedyn mae modd iddynt wrthod eu cynnig presennol drwy hunan-ryddhau eu hunain i mewn i'r broses Glirio.

Nid yw fy mhlentyn yn hapus gyda'r graddau a neilltuwyd iddynt ac yn dymuno apelio. Beth allwn ni wneud?

Mae modd apelio graddau eich plentyn. Mae gan UCAS gyngor ar sut i wneud hyn ac mae modd i chi hefyd drafod gydag ysgol neu goleg eich plentyn.

Mae Prifysgol Abertawe yn ymfalchïo yn ein gallu i fod yn hyblyg ac rydym ni'n trin pob ymgeisydd fel unigolyn. Os ydyn ni wedi gwneud cynnig newid cwrs i gwrs sylfaen neu gwrs arall, ac mae eich plentyn yn apelio'r canlyniadau, mae modd i ni eu symud i'w prif ddewis o gwrs os yw eu graddau newydd yn cyrraedd gofynion mynediad y cwrs hwnnw. Os ydyn ni'n derbyn eu graddau cyn i'r cwrs ddechrau, bydd modd iddynt ddechrau ar eu prif ddewis o gwrs. Os ydyn ni'n derbyn eu graddau newydd ar ôl i'r cwrs ddechrau, ond cyn Hydref y 30ain, gallwn eu symud i'w prif ddewis o gwrs yn ystod y cyfnod hwnnw. Bydd angen iddynt dderbyn eu cynnig newid cwrs yn UCAS er mwyn gallu gwneud hyn, ac i sicrhau eu lle mewn llety. Nodwch os gwelwch yn dda bod cyrsiau sydd wedi eu comisiynu/cyrsiau clinigol a ariennir gan Lywodraeth Cymru yn cael eu heithrio.

Os yw eich plentyn yn gwneud cais drwy'r system Glirio, ac nid yw eu graddau presennol yn cyrraedd y gofynion mynediad, mae siawns y bydd modd i ni gynnig lle iddynt ar gwrs sylfaen neu gwrs amgen a'u symud i'w prif ddewis o gwrs unwaith y byddwn yn derbyn eu graddau newydd.

Mae fy mhlentyn yn dymuno ail-sefyll ei arholiadau. A oes rhaid iddynt ohirio'u lle?

Os ydyn ni wedi cadarnhau eu lle, nid oes angen gohirio'u lle. Mae modd iddynt ail-sefyll yr arholiadau tra'n astudio ym Mhrifysgol Abertawe, os taw dyna yw eu dymuniad.