Pam astudio yn Abertawe?

O’r Ardal Forol a’r Uplands i’r Mwmbwls gerllaw, darganfyddwch ddinas gyda digonedd o swyn a llwyth o gymeriad.

Y dref, y traeth, y campws...mae’n gyflym ac yn hawdd cyrraedd bob man, yn enwedig gyda'r Unibus sy'n rhedeg 24 awr y dydd yn ystod y tymor.

Mae gan Abertawe fyd cerddoriaeth bywiog sy’n parhau i dyfu. Mae’r ddinas yn ffodus o gael amrywiaeth enfawr o leoliadau cerddoriaeth ac mae’n cynnal gwyliau a digwyddiadau cerddoriaeth drwy gydol y flwyddyn, gyda chynlluniau ar y gweill am arena a fydd yn dal 3,500 o bobl yng nghanol y ddinas. 

Mae Abertawe'n ganolfan fywiog ar gyfer celf a diwylliant, Ar ddiwrnodau glawiog, cysgodwch yn Oriel Glynn Vivian neu’r Mission Gallery yn y dref neu Ganolfan Celfyddydau Taliesin a’r Ganolfan Eifftaidd ar y Campws. Dylai’r sawl sydd wrth eu bodd â Llenyddiaeth hefyd ymweld â chartref Dylan Thomas .

Os ydych chi’n credu eich bod chi’n ffotograffydd go lew, darllenwch ganllawiau Mikaela ynghylch y lleoliadau gorau i roi ar Instagram yn Abertawe.

Llun: Cartref Dylan Thomas, y Boathouse yn Nhalacharn.

Rebound yw clwb nos Undeb y Myfyrwyr, gyda diodydd a’r clasuron cerddorol. Yn JC's gallwch wylio’r gemau ar y sgrin fawr, gwneud y cwis tafarn ar nos Sul neu gymryd rhan yn y noson microffon agored ar nos Fawrth.

Os ydych chi ar gampws y Bae, Tafarn Tawe yw’r lle i chi gyda chwis tafarn ar nos Sul a dyma'r lle i fod ar gyfer gwylio bob math o chwaraeon.

Mae’r Tri Chlogwyn a Rhosili epig yn hoelio’r sylw, ond mae yna hefyd gildraethau di-ri i’w harchwilio. Cwtshwch lan ar y tywod gyda phicnic neu ewch i gael cwrw a byrgyr mewn tafarn ar lan y môr.

Dilynwch anturiaethau ein Flogwyr wrth iddynt arddangos eu hoff leoedd awyr agored yn Abertawe.