Eich Diwrnod Graddio

Amserau ar y Dydd

Pryd i chi'n cyrraedd

Ar dydd eich Cynulliad Graddio cynghorir myfyrwyr sydd yn graddio i gyrraedd 1-1½ awr cyn eich cynulliad.

Gwnewch yn siŵr eich bod yn cyrraedd Y Coleg i gofrestru ar gyfer eich cynulliad, a chasglu eich cerdyn cofrestru.  O'r fan honno, dylech gasglu eich gynau mewn da bryd ar gyfer eich cynulliad.  Rydym yn argymell eich bod yn caniatáu 1-1½ awr cyn amser dechrau'ch cynulliad i wneud hyn.

Gallwch drefnu tynnu'ch lluniau naill ai cyn eich cynulliad neu ar ei ôl.  Mae'r stiwdios ffotograffiaeth yn Y Twyni.

Yna gallwch fynd i awditoriwm y Neuadd Fawr i eistedd ar gyfer eich cynulliad.  Mae'n rhaid i chi fod yn eistedd 15 munud cyn eich cynulliad i sicrhau eich bod yn gallu cymryd rhan yn y cynulliad. Bydd y drysau i Awditoriwm y Neuadd Fawr yn agor tua 30 munud cyn y cynulliad.

Dylai ddarpar-raddedigion adael eu heitemau personol gyda’u gwesteion cyn mynd i’w seddau yn y neuadd; dim ond y cerdyn cofrestru fydd ei angen ar y ddarpar-raddedigion. Mae’n rhaid i’r darpar-raddedigion eistedd yn y sedd sydd wedi’i neilltuo iddynt; bydd rhif eich sedd wedi’i nodi’n glir ar eich cerdyn cofrestru.

Bydd Gwesteion yn cael mynediad i’r awditoriwm 30 munud cyn i’r cynulliad ddechrau. Bydd pob sedd i westeion heb ei neilltuo. Ni chaniateir mynediad i’r neuadd cyn yr amser hwn.

Bydd arwyddion yn cael eu harddangos yn glir yn ystod yr holl ddigwyddiad a bydd tywyswyr wrth law i'ch cynorthwyo.  

Mae gennym leoliadau arlwyo ar gael ar Gampws y Bae i raddedigion a gwesteion: 

Coffeeopolis

Bydd ffans Starbucks™ yn dwlu ar Coffeopolis. Mae wedi’i leoli yn libart Adeilad Canolog Peirianneg, tuag ymyl dwyreiniol y campws ac mae Coffeopolis yn lle gwych i eistedd a mwynhau’r awyrgylch wrth yfed latte Starbucks neu wrth fwynhau panini a baratowyd yn ffres.

COSTA™ yn y Coleg

Dyma ein man arlwyo diweddaraf sydd wedi’i leoli yng nghefn y Coleg. Mae digonedd o seddi i fwynhau COSTA™ gyda ffrindiau neu wrth astudio. Mae danteithion a brechdanau hefyd ar gael.

Tafarn Tawe

Tafarn Undeb y Myfyrwyr ar Gampws y Bae sy’n gweini bwyd ffres drwy’r dydd, o frechdanau brecwast i fyrgyrs a salad!

Tesco Express 

Mae gan Gampws y Bae ei siop Tesco Express ei hun. Prynwch eich hoff fwydydd gan y brand mawr y gallwch chi ymddiried ynddo!

Yn y Cynulliad

Bydd darpar-raddedigion yn eistedd yn y sedd gyda'r un rhif sydd ar ei cerdyn cofrestru. Byddwch yn derbyn eich cerdyn cofrestru ar y dydd pan rydych yn cyrraedd a cofrestru.  

Dylai ddarpar-raddedigion adael eu heitemau personol gyda’u gwesteion cyn mynd i’w seddau yn y neuadd; dim ond y cerdyn cofrestru fydd ei angen ar y ddarpar-raddedigion.  Bydd cardiau cofrestru yn cynnwys rhif sedd ac enw'r darpar-raddedig a lle i ddarparu sillafiad enw ffonetig i helpu i ynganu enwau.

Bydd marsial yn dweud wrthych pryd i godi. Unwaith i chi godi byddwch yn cael eich ddangos ble i fynd i gyrraedd drws y llwyfan.

Pan fydd eich enw'n cael ei alw, byddwch yn trosglwyddo'ch cerdyn cofrestru i'r cyflwynydd cyn croesi'r llwyfan, gan dynnu eich cap i gyfarch y Canghellor neu'r Dirprwy Ganghellor ac yna’n parhau i ganol y llwyfan ac i lawr y grisiau i ddychwelyd i'ch sedd.

Ar ôl y Cynulliad

Yn dilyn pob cynulliad, gellir tynnu lluniau swyddogol yn Y Twyni os nad ydych wedi gwneud hynny cyn eich seremoni.

Gallwch wisgo eich gynau academaidd drwy gydol y dydd ond rhaid eu dychwelyd erbyn yr amser a nodir uchod. 

Os nad ydych yn gallu mynychu eich cynulliad o ganlyniad i amgylchiadau annisgwyl, a fyddech gystal â rhoi gwybod i ni cyn gynted â phosib.

Bydd myfyrwyr y mae eu henwau'n ymddangos yn llyfryn y cynulliad ac nid ydynt yn mynychu yn graddio yn eu habsenoldeb.  Sylwer na chaiff gohiriadau eu caniatáu fel arfer, oni bai bod amgylchiadau eithriadol. 

Gwesteion

Bydd modd i chi gael mynediad i'r neuadd tua 30 munud cyn y cynulliad a RHAID eich bod yn eich seddi heb fod yn hwyrach na 15 munud cyn y cynulliad.  Bydd rhywun wrth law i’ch tywys.

Mae'r cynulliad yn debygol o bara oddeutu 1 awr 15 munud ac mae'n bosib felly na fyddai'n addas i blant ifanc na babanod.

Os oes unrhyw broblemau symud neu anableddau gan eich gwesteion a wnewch chi roi gwybod i ni cyn diwrnod eich Cynulliad fel bod modd i ni gadw’r seddau priodol, Cysylltu â ni.

Yn dilyn y cynulliad, gofynnir i chi adael y neuadd er mwyn i’r staff fedru paratoi ar gyfer y gynulliad nesaf.  Efallai yr hoffech fynd i'r Twyni i gael ffotograffau swyddogol.

Gweld a lawrlwytho llyfrynnau graddio o'r gorffennol a'r presennol

Lluniau Swyddogol

Bydd ffotograffydd swyddogol o Ede & Ravenscroft ar gael ar gyfer yr holl gynulliadau.

Mae'r cwmni yn cynnig sawl bwndel gwahanol o lluniau, yn cynnwys lluniau o'r holl deulu a lluniau unigol o'r myfyriwr.

Ewch i Ede & Ravenscroft am fwy of wybodaeth ar y bwndeli sydd ar gael a'r prisiau. 

Mae ffotograffiau yn gallu cael ei archebu o flaen llaw neu ar y dydd o'r adran gwerthu ffotograffiau, bydd arwyddion clir i'r adran yma ar y dydd. 

Llun a Ffon USB o'r Cynulliad

Bydd yr holl fyfyrwyr yn gallu prynu ffotograff wedi’i argraffu o’u hamser ar y llwyfan gyda’r Canghellor neu’r Is-ganghellor ar ddiwrnod eu seremoni, ynghyd â gof bach (fformat HD) o’r seremoni gyfan.

Gellir prynu'r rhain wyneb yn wyneb ar dy ddiwrnod graddio, neu drwy e-bostio gradsales@abertawe.ac.uk  neu ffonio 01792 987097. Sylwch y bydd angen talu â cherdyn yn unig. 

Os ydych wedi cyflwyno archeb ar gyfer llun ar y llwyfan neu USB ac ni allwch ddod i gasglu hyn eich hun, sylwer y bydd y ffioedd postio canlynol yn berthnasol (post yn y DU yn unig - caiff yr holl eitemau eu hanfon drwy bost dosbarth cyntaf):

Pecyn Graddio: £4

USB: £1

Hefyd rhoddir lluniau graddio ychwanegol ar albymau Flickr y Brifysgol

Dylai myfyrwyr, gwesteion a staff sy'n mynychu'r Cynulliadau Graddio a Gwobrwyo fod yn ymwybodol bod y cynulliadau’n cael eu hystyried yn ddigwyddiadau cyhoeddus.

Cyhoeddir enwau a dyfarniadau (gan gynnwys y rheiny sy'n derbyn eu dyfarniadau yn eu habsenoldeb) yn y rhaglen.

Mae recordiadau sain a delweddau o'r cynulliad ar gael yn gyhoeddus drwy we-ddarllediad byw, y cyfryngau cymdeithasol a gwerthu disgiau DVD o'r cynulliad.

Drwy gadarnhau y byddwch yn bresennol yn y seremoni, rydych chi'n rhoi'r hawl i Brifysgol Abertawe argraffu'ch enw a'ch dyfarniad yng nghyhoeddiadau'r rhaglen. Mae'r rheiny sy'n dod i'r cynulliad a'u gwesteion hefyd yn rhoi'r hawl i Brifysgol Abertawe ddefnyddio recordiad(au) fideo, recordiad(au) sain, ffotograff(au) ac unrhyw gynnwys/gopïau/dyfyniadau a gynhyrchir i'w defnyddio mewn cynyrchiadau lle mae Prifysgol Abertawe am ddefnyddio'r deunydd(iau) at ddibenion marchnata a chyhoeddusrwydd, hyrwyddo masnach.

Yn unol â'r Ddeddfwriaeth Diogelu Data Cyffredinol (GDPR) a Deddf Diogelu Data (2018), caiff y deunydd ei ddefnyddio'n unig at ddibenion hyrwyddo neu er lles Prifysgol Abertawe.

Gall deunyddiau barhau i fod yn gyhoeddus am gyfnod amhendant o amser a gellir eu defnyddio at ddibenion addysgol a/neu farchnata. Efallai bydd angen eu golygu at ddibenion ansawdd neu dechnegol a chaiff eu storio'n ddiogel gan y Brifysgol neu ei hasiantiaid.

Bydd gan Brifysgol Abertawe hawlfraint ar y deunydd(iau) a gellir eu defnyddio fel y maent neu ar y cyd â deunydd(iau) eraill, fel rhan o gynhyrchiad cyfansawdd.

Nodyn i'r rhai hynny nad ydynt yn mynychu (yn derbyn eu dyfarniadau yn eu habsenoldeb): Os ydych yn gwrthod i'ch data personol cael ei gyhoeddi yn y rhaglen (enw a dyfarniad), rhowch wybod i'r Swyddfa Raddio.

Os yw’ch teulu a’ch ffrindiau am rannu’ch diwrnod arbennig ond does dim tocynnau ganddynt, gallant wylio’r seremoni’n fyw.  

Sylwer, os byddwch yn dod â gwesteion heb docyn, gallant wylio'r cynulliadau drwy ddarllediad byw yn ystafell GH043, sydd ar lawr gwaelod y Neuadd Fawr.

Bydd ein holl seremonïau yn cael eu darlledu’n fyw ar ein gwefan yn http://www.swansea.ac.uk/graduation/ a bydd modd eu gwylio drwy’r rhyngrwyd.

Bydd y darllediad ffrydio byw’n ymddangos yn awtomatig ar ddechrau pob seremoni.  

Os hoffech brynu recordiad o’r sesiwn gyfan mewn fformat USB, gweler yr wybodaeth uchod (Ffotograffau a USB Swyddogol) 

Bydd nwyddau graddio ar gael o Fulton Outfitters: www.fultonoutfitters.co.uk