Hyfforddiant Canvas

Mae’r dudalen hon yn rhoi gwybodaeth am ddarpariaeth hyfforddiant Canvas i aelodau staff.

Hyfforddiant Hanfodion Canvas ar gyfer Staff

Rydyn ni wedi creu pecyn hyfforddiant Canvas Essentials er mwyn eich rhoi chi ar ben eich taith ddatblygu. Mae Canvas Essentials yn cynnwys pedwar cwrs, yn dibynnol ar eich rôl benodedig ar y platfform (Athro/Athrawes, Gweinyddwr Coleg) efallai na fydd angen i chi gwblhau pob cwrs. Gallwch chi gwblhau’r cyrsiau ar-lein fel astudio ar eich cyflymder eich hun neu gallwch chi fynychu sesiwn hyfforddiant sy’n cael ei chyflwyno ar-lein trwy Zoom ar hyn o bryd.

Mae'r gyfres 'Hanfodion Canvas' yn cynnwys pedair elfen wahanol:

Datblygu Cwrs
Asesu ac Adborth 1 – Aseiniadau a Graddio
Asesu ac Adborth 2 - Cwisiau
Cyfathrebu a Chydweithredu

Darllenwch ddisgrifwyr y cwrs isod er mwyn helpu i benderfynu eich llwybr.

Cyrsiau Quick Start Canvas

Os nad ydych chi wedi cymryd rhan mewn hyfforddiant Canvas hyd yma, rydyn ni’n cynnig sesiynau Cychwyn Cyflym ar gyfer y Cwrs Datblygu a modiwlau Asesu ac Adborth 1.

Mae’r sesiynau Cychwyn Carlam yn rhoi arweiniad bras ar sut i gychwyn ar system Canvas. Os nad ydych chi wedi mewngofrestru, wedi cael cyfle i roi trefn ar eich cyrsiau neu greu aseiniadau mae’r sesiynau sylfaenol, rhagarweiniol sy’n para am 30 munud trwy Zoom yn berffaith i chi. Gallwch chi gwblhau’r sesiynau hyn yn ôl y drefn neu gofrestru ar sesiynau sy’n gweddu i'ch anghenion.

I gael rhagor o wybodaeth am gynnwys y sesiynau Dechrau Cyflym, gweler y cwymplenni Datblygu neu Asesu Cyrsiau ac Adborth 1 isod.

Gallwch gadw lle ar gyfer sesiynau hyfforddiant Zoom trwy Eventbrite hyd at 72 awr cyn amser dechrau’r cwrs.

Hanfodion DPP Canvas – Cwrs Llawn

Mae cyfres cyrsiau Hanfodion Canvas wedi’i llunio fel cyflwyniad i Canvas, gan ddangos sut gellir ei ddefnyddio er mwyn cefnogi dysgu, addysgu ac asesu. Bydd hyn yn eich galluogi chi i godi eich ymwybyddiaeth o’r nodweddion a’r ymarferoldeb gwahanol sydd ar gael trwy Canvas a dechrau archwilio sut gellir ei ddefnyddio i ddatblygu cyrsiau wrth wella profiad y myfyriwr. Mae cyfres Hanfodion Canvas wedi’i strwythuro fel “cwrs” Canvas ac mae’n cynnwys cyflwyniad a rhywfaint o waith i’w gyflawni cyn y sesiwn. Drwy gydol cyfres Hanfodion Canvas disgwylir i chi ymgymryd â hunan-astudio, mynychu sesiynau wyneb yn wyneb (pan fyddant yn weithredol), ymgysylltu â’r gymuned, adeiladu eich cwrs a rhoi adborth. Pedwar prif fodiwl Hanfodion Canvas yw:

•             Datblygu’r Cwrs
•             Asesu ac Adborth 1
•             Asesu ac Adborth 2
•             Cyfathrebu a Chydweithio

Ceir gwybodaeth bellach am y modiwlau hyn yn y cwymplenni isod er mwyn eich helpu chi i benderfynu a hoffech chi ddilyn y cwrs Canvas cyflawn neu’r modiwlau sy’n berthnasol i chi.

Dolen cwrs hyfforddiant hunan-gyflymder DPP Hanfodion Canvas: https://canvas.swansea.ac.uk/courses/3774

Hefyd mae 2 gwrs unigol ychwanegol ar gael:

• Canvas Turnitin, a
• Canvas Studio

Ceir gwybodaeth a dolenni ar gyfer y cyrsiau hyn yn y cwymplenni isod.

Datblygu Cwrs

Mae'r sesiwn hon yn hanfodol i ddefnyddwyr sy'n newydd i Canvas a hwn yw'r cwrs cyntaf dylech ei gwblhau yn y gyfres. Y nod yw darparu trosolwg o strwythuro cyrsiau, trefnu ffeiliau, lanlwytho dogfennau a cynhyrchu a mewnblannu cynnwys. Dyfeisiwyd y sesiwn hon ar gyfer staff academaidd a staff gweinyddol y gwasanaethau proffesiynol sy'n ymwneud â chreu cyrsiau.

Cwrs hyfforddiant ar eich cyflymder eich hun: Modiwl sy’n rhan o https://canvas.swansea.ac.uk/courses/3774

Datblygu Cyrsiau Dechrau Cyflym

Teitl	Disgrifiad
Llywio Canvas i Ddechreuwyr	Trosolwg o ddod o hyd i gynnwys Canvas, sydd ar gael i chi a’ch myfyrwyr, a sut gallwch ei ddefnyddio i wella profiad eich myfyrwyr. Bydd y sesiwn hon yn fuddiol i staff y Gwasanaethau Proffesiynol ac academyddion er mwyn dechrau defnyddio Canvas.
Symud Cynnwys rhwng eich cyrsiau Canvas	Trosglwyddo effeithiol o gynnwys rhwng eich cyrsiau Canvas, ynghyd â’r holl bwyntiau perthnasol eraill i’w hystyried. Bydd y sesiwn hon yn fuddiol i academyddion a staff y Gwasanaethau Proffesiynol sy’n gyfrifol am ddatblygu cynnwys mewn cwrs Canvas.
Strwythur Cynnwys Canvas	Cyflwyniad i Fodiwlau a Ffeiliau Canvas a sut gallant gynnig profiad dysgu buddiol i’ch myfyrwyr. Bydd y sesiwn hon yn fuddiol i academyddion a staff y Gwasanaethau Proffesiynol sy’n gyfrifol am ddatblygu a rheoli cynnwys mewn cwrs Canvas.
Cyn pwyso’r botwm Cyhoeddi	Ein hawgrymiadau gorau ar gyfer gwirio pethau a’r hyn i edrych amdano cyn i’ch cyrsiau fod ar gael i fyfyrwyr. Bydd y sesiwn hon yn fuddiol i academyddion a staff y Gwasanaethau Proffesiynol sy’n gyfrifol am gyhoeddi ffeiliau, modiwlau a chyrsiau yn Canvas.

Asesu ac Adborth 1

Mae'r sesiwn hon yn hanfodol i ddefnyddwyr sy'n newydd i Canvas a hwn yw'r ail gwrs dylech ei gwblhau yn y gyfres. Y nod yw rhoi trosolwg i chi o'r prif opsiynau asesu ac adborth mae Canvas yn eu cynnig. Bydd y sesiwn yn trafod sut i reoli'r prif elfennau asesu, gan gynnwys creu Aseiniad, Rubrics, SpeedGrader a'r Gradebook. Dyfeisiwyd y sesiwn hon ar gyfer staff academaidd a staff gweinyddol y gwasanaethau proffesiynol sy'n ymwneud â chreu asesiadau.

I'r staff sydd am ddatblygu eu harfer asesu ac adborth ymhellach, mae sesiwn estyniad ar gael - Asesu ac Adborth 2 - sy'n sôn am gwisiau ac arolygon. Rydym yn argymell bod staff yn cwblhau Asesu ac Adborth 1 cyn Asesu ac Adborth 2. Os yw Asesu ac Adborth 1 yn diwallu eich anghenion, efallai na fyddwch am fynd ymlaen i wneud Asesu ac Adborth 2.

Cwrs hyfforddiant ar eich cyflymder eich hun: Modiwl sy’n rhan o https://canvas.swansea.ac.uk/courses/3774

Asesu ac Adborth 1 – Dechrau Cyflym

Teitl	Disgrifiad
Creu Aseiniad yn Canvas	Bydd y sesiwn hon yn dangos enghraifft i chi o sut i greu Aseiniad yn Canvas. Bydd y sesiwn hon yn fuddiol i staff y Gwasanaethau Proffesiynol ac academaidd sy’n gyfrifol am greu aseiniadau.
Dechrau Arni gyda Rubrics yn Canvas	Bydd y sesiwn hon yn eich cyflwyno i ddechrau arni gyda chreu a defnyddio Rubrics yn Canvas, eu manteision, eu creu a’u defnyddio. Bydd y sesiwn hon yn fuddiol i staff y Gwasanaethau Proffesiynol ac academyddion sy’n gyfrifol am lunio aseiniad neu farcio.
Marcio Aseiniadau yn SpeedGrader Canvas	Bydd y sesiwn hon yn dangos i chi sut i ddod o hyd i aseiniadau, mynediad at SpeedGrader, marcio cyflwyniadau a darparu adborth gan ddefnyddio SpeedGrader Canvas. Bydd y sesiwn hon yn fuddiol i academyddion sy’n gyfrifol am lunio aseiniadau.
Cyflwyniad i Gradebook Canvas	Bydd y sesiwn hon yn rhoi trosolwg o Gradebook Canvas gan gynnwys llywio swyddogaethau Gradebook, cyhoeddi graddau ac adborth, ac archwilio data gradebook. Bydd y sesiwn hon yn fuddiol i staff y Gwasanaethau Proffesiynol ac academyddion sy’n gyfrifol am reoli graddau.

Asesu ac Adborth 2

Mae'r sesiwn hon yn darparu dealltwriaeth o sut i ddefnyddio cwisiau ac arolygon yn Canvas, gan gynnwys defnyddio gwahanol fathau o gwestiynau. Mae'n adeiladu ar yr wybodaeth a ddatblygwyd yn Asesu ac Adborth 1 a dylid ei wneud ar ôl cwblhau'r cwrs hwnnw. Dyfeisiwyd y sesiwn hon ar gyfer staff academaidd a staff gweinyddol y gwasanaethau proffesiynol sy'n ymwneud a rheoli cwisiau ac arolygon.

Cwrs hyfforddiant ar eich cyflymder eich hun: Modiwl sy’n rhan o https://canvas.swansea.ac.uk/courses/3774

Cyfathrebu a Chydweithredu

Mae’r sesiwn hon yn rhoi trosolwg o’r offerynnau Canvas canlynol: Cyhoeddiadau, Trafodaethau, Sgwrs, Mewnflwch, Grwpiau Apwyntiadau Calendr a Thudalennau y gellir eu golygu. Mae hefyd yn cynnwys Grwpiau Canvas. Lluniwyd y sesiwn hon ar gyfer staff gweinyddol gwasanaethau academaidd a phroffesiynol sy’n dymuno cynnwys cyfathrebu a chydweithio yn rhan o’u cyrsiau.

Cwrs hyfforddiant ar eich cyflymder eich hun: https://canvas.swansea.ac.uk/courses/3774/pages/introduction-and-outcomes-communication-and-collaboration?module_item_id=82920

Byddwn ni’n ymdrin â’r ffaith bod y cwrs hwn yn cael ei gyflenwi drwy Zoom ar-lein mewn rhannau:

Cyfathrebu a Chydweithredu Rhan 1 (C a C Rhan 1)

Erbyn diwedd C a C Rhan 1, byddwch yn gyfarwydd ag offer a nodweddion cyfathrebu a chydweithredu Canvas. Byddwch yn profi'r offer fel myfyriwr ac felly byddwch yn deall yn well ba offer sydd fwyaf addas ar gyfer eich myfyrwyr a'ch dibenion. Byddwch yn dysgu sut i drefnu'r offer fel hyfforddwr a'u hymgorffori yn eich cwrs. Bydd gennych gyfleoedd i fyfyrio trwy gydol y cwrs a rhannu eich meddyliau a'ch profiadau gyda chydweithwyr.

Byddwn yn edrych ar: Gyhoeddiadau, Mewnflwch, Siarad, Trafodaethau, Cydweithrediadau a Threfnu Apwyntiadau Calendr.

Cyfathrebu a Chydweithredu Rhan 2 (C a C Rhan 2)

Erbyn diwedd C a C Rhan 2, byddwch yn gyfarwydd â Grwpiau Canvas a'r offer ynddynt. Byddwch yn profi'r broses o ddod o hyd i grwpiau hunan-gofrestru a chofrestru arnynt fel myfyriwr. Byddwch hefyd yn dysgu sut i drefnu mathau gwahanol o grwpiau fel hyfforddwr ac arsylwi ar weithgareddau o fewn grwpiau. Yn ystod y cwrs byddwch yn myfyrio ar y gwahaniaeth rhwng defnyddio offer cydweithio a chydweithredu Canvas yn uniongyrchol o fwydlen lywio'r cwrs neu o fewn Modiwlau, fel y trafodir yn Rhan 1 y cwrs, a chyflwyno'r offer i fyfyrwyr yn y Grwpiau. Fe'ch anogir i rannu'ch syniadau am ddefnyddio Grwpiau Canvas i hwyluso cydweithredu ymhlith eich myfyrwyr.

DPP – Canvas Turnitin

Mae’r cwrs hwn yn adnodd estyn ar gyfer staff sy’n chwilio am ragor o gymorth am sut i ddefnyddio Turnitin yn Canvas. Dylid cwblhau hwn ar ôl Canvas Essentials – Assessment a sesiwn Adborth 1. Bydd y cwrs hwn yn trafod sut i greu pwynt cyflwyno aseiniad yn eich cwrs Canvas, sut i ddod o hyd i waith a gyflwynwyd a’r broses farcio. Bydd hefyd yn cynnwys sut dylai myfyrwyr gyflwyno eu gwaith a dod o hyd i’w hadborth.

Cynlluniwyd y cwrs hwn ar gyfer staff academaidd, y gwasanaethau proffesiynol a staff gweinyddol sy’n ymwneud â chreu pwyntiau cyflwyno Turnitin yn Canvas a marcio a darparu adborth.

Cwrs i’w gwblhau yn eich amser eich hun: https://canvas.swansea.ac.uk/enroll/W9ERHD

Sesiynau Hyfforddiant Turnitin yn Canvas

Teitl a Hyd	Disgrifiad
Turnitin 1 Sefydlu Aseiniad Canvas Turnitin 1 awr	Bydd y sesiwn hon yn rhoi enghraifft i chi o sut i greu Aseiniad Turnitin yn Canvas. Mae'r sesiwn hon ar gyfer staff y Gwasanaethau Proffesiynol ac academyddion sy'n gyfrifol am greu aseiniadau.
Turnitin 2 Dechrau Defnyddio Turnitin Rubrics 1 awr	Bydd y sesiwn yn cyflwyno sut i adeiladu a defnyddio Rubrics yn Turnitin, a bydd yn edrych ar y ffyrdd y gellir eu defnyddio i gefnogi adborth a gyflwynir yn y broses farcio. Mae'r sesiwn hon ar gyfer staff y Gwasanaethau Proffesiynol ac academyddion sy'n gyfrifol am lunio aseiniadau neu eu marcio nhw.
Turnitin 3 Marcio Aseiniadau Canvas Turnitin gan ddefnyddio Feedback Studio 1 awr	Bydd y sesiwn hon yn dangos sut i ddod o hyd i aseiniadau yn Canvas, cael mynediad i Feedback Studio, archwilio'r mewnflwch, marcio cyflwyniadau a rhoi adborth. Mae'r sesiwn hon ar gyfer academyddion sy'n gyfrifol am farcio aseiniadau yn Turnitin.
Turnitin 4 Sesiwn Galw Heibio Turnitin 1 awr	Bydd y sesiwn hon yn rhoi rhagor o amser i'r rhai sydd wedi mynychu sesiynau hyfforddiant Turnitin drwy Zoom, wedi defnyddio DPP - cwrs ar-lein Canvas Turnitin, neu wedi defnyddio Turnitin drwy Canvas. Yn y sesiwn hon, rydych yn gallu codi ymholiadau ynghylch y problemau a wynebir, neu ofyn am eglurhad o agweddau o ansicrwydd. Mae'r sesiwn hon ar gyfer staff y Gwasanaethau Proffesiynol ac academyddion sy'n gyfrifol am greu a marcio aseiniadau neu ddarparu adborth gan ddefnyddio Turnitin yn Canvas.

DPP – Canvas Studio

Dylech gwblhau’r cwrs hwn ar ôl cael cyflwyniad cychwynnol i Canvas drwy’r cwrs DPP Canvas Essentials. Yn ddelfrydol, byddech wedi cwblhau’r sesiwn ar ddatblygu cwrs cyn cofrestru ar gyfer y cwrs DPP – Canvas Studio.

Bydd y cwrs hwn yn darparu trosolwg o Canvas Studio. Yn seiliedig yn gadarn ar yr addysgeg berthnasol, bydd yn eich addysgu sut i ddefnyddio’r cyfleusterau a’r offer yn Canvas Studio i lanlwytho, creu a churadu cynnwys. Yna gellir ymgorffori’r cynnwys hwn yn eich cyrsiau Canvas neu ei rannu’n allanol drwy’r we.

Cynlluniwyd y cwrs hwn ar gyfer staff academaidd er mwyn nodi defnydd posib o fideo ac adborth ar gyfer staff a myfyrwyr sy’n defnyddio Canvas Studio, ac i gyfoethogi ac amrywio’r gweithgareddau dysgu yn eich cwrs Canvas.

Cwrs i’w gwblhau yn eich amser eich hun: https://canvas.swansea.ac.uk/enroll/PD7WC6

DPP – Cynadleddau Canvas

Mae’r cwrs hwn yn gwrs ymestyn a luniwyd i gael ei gwblhau ar ôl cyflwyniad cychwynnol i Canvas trwy’r cwrs DPP - Canvas Essentials. Yn ddelfrydol byddwch chi wedi cwblhau’r sesiwn Datblygu Cwrs cyn cofrestru ar gyfer DPP – Cynadleddau Canvas.

Bydd y cwrs hwn yn rhoi trosolwg o adnodd? declyn Cynadleddau Canvas, a bydd yn rhoi’r arweiniad a’r camau y bydd eu hangen arnoch chi i ddechrau arni ac i wneud y defnydd gorau posib o’r anodd Cynadleddau.

Sylwer, Zoom yw’r platfform mae’r Brifysgol yn ei ffafrio ar gyfer ystafelloedd dosbarth ar-lein neu rithwir ond gall fod achlysuron pan fyddai’n well gennych chi ddefnyddio Cynadleddau.

Cwrs hyfforddiant ar eich cyflymder eich hun: https://canvas.swansea.ac.uk/enroll/3YCTPD

Adnoddau Addysgu trwy Canvas

Rhestr Wirio Addysgu ar Canvas

Dechrau ar Canvas

Ffeithlun Cymorth Canvas

Infograffeg Ystadegau Cymorth Canvas (01.09.20 - 30.09.20)

Asesu yn Canvas: Arweiniad i staff

Fel y gwyddoch, rhaid i’r Brifysgol symud cymaint o asesu ar-lein i Canvas â phosib.

Mae dogfennau arweiniol ar yr ymarfer hwn yng nghyrsiau Canvas drwy’r dolen isod:

Arweiniad i staff: https://canvas.swansea.ac.uk/courses/20042

Canvas: Dogfennau Arweiniol i Fyfyrwyr

Gan y bydd colegau’n defnyddio system Canvas yn fwyfwy am weddill y flwyddyn academaidd, mae Tîm Prosiect Canvas wedi llunio canllawiau a gwybodaeth ddefnyddiol i fyfyrwyr ar sut i ddefnyddio’r platfform.

Arweiniad i fyfyrwyr: https://canvas.swansea.ac.uk/courses/20041

Os oes gennych chi ymholiadau ynghylch hyfforddiant, e-bostiwch salt@abertawe.ac.uk